1. T•Pay mak produtu ou servisu karteira eletróniku baseia husi server nebe’e halao husi Telin Digital Solution, Lda (T•PAY) lokaliza iha edifisiu T•PAY Rua José Maria Marques Nu. 69 Colmera, Dili. Legal baziku husi servisu ne’e mak Desizaun husi Banco Central Timor-Leste (BCTL) Numeru 154 tinan 2019 iha 7 Outubro.

2. T•PAY ID mak identidade ba sira nebe uja karteira eletróniku T•PAY nebe utiliza T•PAY liu husi asesu aplikasaun website no aplikasaun mobile

3. Servisu signifika servisu nebe’e oferese sistema aplikasaun karteira eletróniku ho transaksaun kompras deit ba utilizador sira nebe seidauk entrega evidensia kartaun identidade (kartaun Eleitoral/BI/Passaporte) (Konta regular) no transaksaun kompras, transfere osan no dada osan ba utulizador sira nebe entrega ona evidensia kartaun identidade (kartaun eleitoral/BI/Passaporte)(konta premium)

4. Agente karteira eletróniku T•PAY sai hanesan parseiru nebe oferese produtu no servisu ba utilizador

5. Password mak kombinasaun letras no numeru nebe kria husi utilizador sira hodi bele asesu ba servisu karteira eletróniku T•PAY liu husi aplikasaun mobile no website

6. Utilizador mak ema ida nebe nain ba konta karteira eletróniku T•PAY no registradu nudar utilizador ba servisu karteira eletróniku T•PAY

7. PIN (Personal Identification Number) karteira eletróniku mak kodigu identifikasaun privadu nebe’e segredu no utilizador mesak mak hatene no mos seprenxe husi utilizador wainhira utiliza servisu karteira eletróniku T•PAY. Liu husi dadus T•PAY ID, Password no PIN utilizadu hodi identifika katak utilizador refere mak iha direitu ba servisu karteira eletróniku T•PAY

8. Produtu no servisu mak sasan ou servisu nebe anunsiadu ou oferese husi parseiro sira iha aplikasaun mobile no website karteira eletróniku T•PAY nomos aplikasaun mobile no website agente.

9. Saldo konta maximu mak saldo konta ho montante USD 300 (Atus tolu dolares Amerikanu)

10. Transaksaun mak aktividade finanseiro hotu nebe baseia ba saldo karteira eletróniku T•PAY utilizador nian, inclui no laiha eksesaun: Debit, Kredit, Transfere osan, enxe saldo, dada osan, pagamentu produto no servisu nebe disponivel iha aplikasaun ka website karteira eletróniku T•PAY no aplikasaun ka website agente nebe halo transaksaun liu husi maneira online nomos offline.

1. Utilizador prenxe dadus privadu hanesan Naran Kompletu, Data Moris, Numeru Telefone, E-mail no dadus seluk tan iha aplikasaun mobile ou website.

2. Upload foto kartaun identidade (BI/Eleitoral/Passaporte) hodi bele asesu ba konta premium. Konta premium sei fo benefisiu nebe boot liu hanesan tranzasaun transfere P2P (point to point) .

3. Utilizador tenke iha numeru telephone nebe ativu no email (opsaun)

4. Utilizador tenke lee no komprende kona ba Termus no Kondisaun karteira eletróniku T•PAY.

1. Utilizador bele uza servisu nebe’e oferese iha karteira eletróniku T•PAY hodi bele hala’o tranzasaun produtu no servisu liu husi aplikasaun karteira eletróniku T•PAY website ou mobile.

2. Iha proses dahuluk utlizasaun servisu karteira eletróniku T•PAY, utilizador tenke halo ativasaun konta liu husi kodigu (OTP) nebe sei haruka liu husi SMS ba numeru telephone nebe uza hodi rejistrasaun.

3. Iha atividade tranzasaun :

   • Utilizador iha obrigatoriu atu garantia presizaun no integralidade dadus sira nebe utilizador prenxe hodi halao tranzasaun. T•PAY sei la responsável ba impaktu nebe’e sei mosu tanba dadus nebe’e utilizador prenxe neglijênsia, la kompletu, la klaru, ou la loloos.

   • Utilizador iha oportunidade hodi verifika fila fali ou kansela dadus nebe’e prenxe antes submete ou kontinua prosesu tranzasaun no ezekusaun kodigu PIN.

4. Tranzasaun hotu nebe haruka ona liu husi karteira eletróniku T•PAY no hetan approva husi utilizador nebe’e marka husi atividade prenxe no ezekusaun PIN la hetan autoriza atu kansela.

5. Tranzasaun nebe’e hetan ona approva husi utilizador nebe’e rai iha sentru dadus karteira eletróniku T•PAY nudar dadus nebe loos, nebe hetan approva nudar evidensia husi utlizador ba Karetira eletróniku T•PAY hodi prosesu tranzasaun.

6. Karteira eletróniku T•PAY aseita no prosesu tranzasaun tuir utilizador nia pedidu nudar orden nebe’e validu baseia ba utilizasaun PIN no nune’e T•PAY laiha obrigasaun atu investiga jenuinu ou validade husi tranzasaun utilizador, utilizasaun PIN prova presizaun ou kompletamentu husi pedidu tranzasaun utilizador, tanba ne’e pedidu tranzasaun ne’e validu no relasiona ho utilizador.

7. T•PAY iha direitu atu la prosesu pedidu tranzasaun husi utilizador, sei karik:

   • Balansu konta utilizador iha karteira eletróniku T•PAY la sufisiente.

   • T•PAY sei hatene ou iha razaun hodi asume katak iha fraude ou krime nebe’e atu hala’o ou nebe’e hala’o ona.

   • Utilizador seidauk halo kompleta prosesu KYC (Know Your Customer) nebe’e esplika iha pontu 3 “Definisaun” iha leten, tanba ne’e utilizador seidauk bele utiliza tranzasaun hanesan transferensia osan.

8. Nudar evidensia husi tranzasaun nebe utilizador hala’o ho susesu iha karteira eletróniku T•PAY, utilizador sei simu komunikasaun liu husi notifikasaun tranzasaun iha sms, e-mail, no aplikasaun.

9. Utilizador aseita no rekoñese katak:

   • Tranzasaun nebe’e prosesu liu husi karteira eletróniku T•PAY liu husi orden utilizador sai nudar evidensia nebe validu maske laiha dokumentu eskritu no/ou dokumentus nebe print ho asinatura.

   • Evidensia husi tranzasaun karteira eletróniku T•PAY nebe’e haruka eletronikamente nebe’e rai iha sentru dadus karteira  eletróniku T•PAY no/ou rai hanesan informasaun no dadus seluk iha karteira eletróniku T•PAY, nebe’e ho forma dokumentu eskritu, nota, print husi komputador na/ou kopia, sai nudar evidensia nebe’e validu no sei la negado nia validade no jenuinu.

1. T•PAY ID no PIN nudar kodigu nebe’e konfidensiál no autoridade utilizasaun iha utilizador. T•PAY ID permanente no sei labele muda.

2. Utilizador iha obrigatorio hodi seguru T•PAY ID no PIN karteira eletróniku T•PAY ho maneira:

   • Labele fo sai T•PAY ID no PIN karteira eletróniku  T•PAY ho arbiru

   • Utiliza T•PAY ID no PIN karteira eletróniku  T•PAY ho kuidadu atu nune’e ema seluk labele hare’e tuir

3. Sei karik utilizador hatene tuir ou assume katak T•PAY ID no PIN karteira eletróniku T•PAY uzadu husi ema seluk nebe’e la hetan autorizasaun, utilizador iha obrigatorio halo seguru konta ho troka PIN karteira eletróniku T•PAY.

4. Pedidu tranzasaun nebe’e baseia ba T•PAY ID, no PIN karteira eletróniku T•PAY husi ema seluk nebe’e laiha autorizasaun sei responsabiliza husi utilizador

5. Tranzasaun no utilizasaun T•PAY ID no PIN karteira eletróniku T•PAY nebe’e laiha autorizasaun sei responsabiliza másimu husi utilizador. Ho nune’e utilizador absolvidu T•PAY husi akuzasaun nebe’e bele mosu husi parte seluk ou husi utilizador rasik tanba asesu nebe’e laiha autorizasaun ne’e.

1. Asesu ba servisu karteira eletróniku T•PAY sei hapara husi T•PAY sei karik:

   • Utilizador husu ba karteira eletróniku T•PAY atu hapara asesu servisu karteira eletróniku T•PAY permanente ho razaun:

     • Utilizador haluha kona ba asesu ID/ T•PAY ID no/ou asesu PIN karteira eletróniku T•PAY

     • Utilizador hapara ou taka konta sira nebe’e bele asesu liu husi servisu karteira eletróniku T•PAY.

     • Konta karteira eletróniku T•PAY tama iha lista investigasaun fraude.

   • Iha informasaun ho dokumentu eskritu husi utilizador kona ba utlizasaun nebe’e laiha autorizasaun huai parte deskuñesidu.

   • T•PAY sei prosesu buat hotu baseia ba regulamentu.

2. Hodi bele halo ativasaun fila fali ba asesu servisu karteira eletróniku T•PAY nebe hapara ona, utilizador tenke kontaktu ba Customer Care T•PAY

3. T•PAY iha direitu atu hapara temporariamente ou permanente asesu servisu karteira eletróniku T•PAY sei karik T•PAY deskobre iha abuzu husi servisu karteira eletróniku T•PAY nebe utilizador halo no la presiza prova no verifika ba utilizador.

Utilizador absolvidu T•PAY husi kualkér akuzasaun sei karik pedidu tranzasaun husi utilizador sei la prosesa husi T•PAY tanba situasaun sira nebe além da kapasidade T•PAY, inklui mos maibe la limitadu ba kualkér interferénsia husi virus komputador ou Sistema ou komponente nebe’e perigu nebe’e bele perturba servisu karteira eletróniku T•PAY, web browser ou Sistema komputador T•PAY, ou transmisaun nebe’e la funsiona, failansu eletrisidade, failansu telekomunikasaun, regulamentu governu, failansu Sistema finanseiru banku no insidente seluk nebe’e além da kapasidade T•PAY.

Direitu propriedade intelektuál nebe’e iha aplikasaun website no mobile T•PAY hanesan logo, foto, pigura, naran, liafuan, letra, numeru, hakerek, arranju buta, no kombinasaun nebe iha propriedade total husi T•PAY. Utilizador aplikasaun T•PAY proibidu atu halo tuir, multiplikar, ou utiliza sem autorizasaun husi T•PAY.  

1. Utilizador bele kontaktu Customer Care T•PAY hodi hetan ajuda kona ba problema nebe’e relasiona ho tranzasaun no mudansa ba asesu karteira eletróniku T•PAY.

2. T•PAY bele halo mudansa ba termu no kondisaun ne wainhira deit.

3. Utilizador halo tuir kondisaun-kondisaun no regulamentu nebe hala’o iha karteira eletróniku T•PAY inklui mos ho mudansa servisu nebe’e iha.

4. Sei karik mosu disputa nebe relasiona ho interpretasaun no implementasaun husi termu & kondisaun ida ne’e, T•PAY no utilizador sei konkorda atu resolve disputa ne’e liu husi deliberasaun para alkansar konsensu.

5. Sei karik disputa sira ne’e seidauk bele resolve liu husi deliberasaun konsensu no utilizador konkorda atu resolve liu husi tribunal.

Ho ida ne’e Hau lee hotu ona, komprende diak no aseita ho buat sira nebe’e deklara ona iha termu & kondisaun utilizasaun karteira eletróniku T•PAY nudar Hau nia media pagamentu kompras online, no hau sei la halo ba problema sei karik T•PAY utiliza dadus privadu hanesan enderesu,  numeru telephone, email, hodi bele fahe informasaun hanesan newsletter, brosur no seluk tan.